मारेगाव :प्रदीनिधी
मारेगाव :प्रभू श्रीरामचंद्रांच्या जन्मोत्सवानिमित्त उद्या, २६ मार्च २०२६ रोजी मारेगाव शहरात भव्य शोभायात्रेचे आयोजन करण्यात आले आहे. श्रीराम नवमी उत्सव समिती आणि बजरंग दल मारेगाव यांच्या संयुक्त विद्यमाने निघणाऱ्या या शोभायात्रेसाठी संपूर्ण शहरात भक्तीमय वातावरण निर्माण झाले असून आयोजकांकडून जय्यत तयारी करण्यात आली आहे.
असा असेल शोभायात्रेचा मार्ग:
ही भव्य शोभायात्रा उद्या सायंकाळी ४:०० वाजता नगर पंचायत जवळील हनुमान मंदिर येथून सुरू होईल. त्यानंतर मार्डी रोड, राष्ट्रीय विद्यालय, पोलीस स्टेशन मार्ग, आंबेडकर चौक आणि बाळासाहेब ठाकरे चौक या प्रमुख मार्गांवरून मार्गक्रमण करत पुन्हा हनुमान मंदिर येथे शोभायात्रेचा समारोप होईल.
आयोजकांचे नियोजन आणि आवाहन:
शोभायात्रेत ठिकठिकाणी स्वागत आणि प्रभू श्रीरामांच्या प्रतिमांचे पूजन केले जाणार आहे. "श्री राम नाम सर्वत्र, सर्व हिंदू एकत्र" हा संदेश देत या कार्यक्रमाचे आयोजन करण्यात आले आहे. या सामाजिक आणि धार्मिक सोहळ्यात तालुक्यातील भाविकांनी, रामभक्तांनी आणि नागरिकांनी मोठ्या संख्येने सहभागी व्हावे, असे आवाहन श्रीराम नवमी उत्सव समिती व बजरंग दल मारेगाव यांच्या वतीने करण्यात आले आहे.
शहरात उत्साहाचे वातावरण:
रामनवमीच्या पार्श्वभूमीवर शहरात भगवे ध्वज आणि तोरणे लावण्यात आली असून, संपूर्ण मारेगाव नगरी राममय झाली आहे. शांतता व सुव्यवस्था राखण्यासाठी स्थानिक प्रशासनानेही योग्य ती खबरदारी घेतली आहे.
Post a Comment
0 Comments