सौ. वसुधा ज्ञानेश देशपांडे (मॅडम) लिखित ‘अनुधाका मसाशा सोथ’ या उपन्यास चा सोहळा संपन्न

 

अहिल्या नगर | प्रतिनिधी

सौ. वसुधा ज्ञानेश देशपांडे (मॅडम) लिखित ‘अनुधाका मसाशा सोथ’ या उपन्यासाचे प्रकाशन बल्लाल प्रकाशनतर्फे मुंबई येथील मंत्रालयात दिमाखदार सोहळ्यात पार पडले. साहित्यप्रेमी, मान्यवर आणि विविध क्षेत्रातील उपस्थितांच्या साक्षीने हा कार्यक्रम उत्साहपूर्ण वातावरणात संपन्न झाला.

या प्रकाशन सोहळ्यास महाराष्ट्र राज्य साहित्य व संस्कृती मंडळाचे उपाध्यक्ष श्री. उदय सामंत प्रमुख पाहुणे म्हणून उपस्थित होते. आपल्या भाषणात त्यांनी मराठी साहित्याच्या समृद्ध परंपरेचा उल्लेख करत नवोदित व प्रगल्भ लेखकांनी अशा साहित्यनिर्मितीतून समाजाला दिशा देण्याची गरज अधोरेखित केली. तसेच सौ. वसुधा देशपांडे यांच्या लेखनातील संवेदनशीलता आणि सामाजिक भान यांचे त्यांनी विशेष कौतुक केले.

कार्यक्रमाचे अध्यक्षस्थान प्रा. डॉ. प्रदीप धवळ यांनी भूषविले. अध्यक्षीय भाषणात त्यांनी या उपन्यासाच्या साहित्यिक वैशिष्ट्यांवर प्रकाश टाकत, कथानकातील आशय, शैली आणि व्यक्तिरेखांचे प्रभावी चित्रण याबाबत मनोगत व्यक्त केले. हा उपन्यास वाचकांना विचारप्रवृत्त करणारा ठरेल, असा विश्वासही त्यांनी व्यक्त केला.

‘अनुधाका मसाशा सोथ’ या कादंबरीत मानवी भावविश्व, सामाजिक वास्तव आणि जीवनातील सूक्ष्म पैलू यांचे प्रभावी दर्शन घडते. लेखकाच्या अभ्यासपूर्ण दृष्टिकोनामुळे आणि ओघवत्या लेखनशैलीमुळे ही कृती वाचकांच्या मनावर ठसा उमटवेल, अशी अपेक्षा व्यक्त करण्यात येत आहे.

या उल्लेखनीय साहित्यकृतीबद्दल सौ. वसुधा देशपांडे यांचे सर्व स्तरांतून अभिनंदन होत असून साहित्य क्षेत्रातील मान्यवरांकडून त्यांच्या कार्याचे कौतुक केले जात आहे.